Avropa Birliyinin (AB) xarici siyasət rəhbəri Ketrin Eştonun bəyanat verərək Azərbaycan hökumətini həbs olunmuş gənc bloqqerlər Emin Milli və Adnan Hacızadəni azad etməyə çağırıb. Bu bəyanata münasibət bildirən Humanitar Tədqiqatlar Cəmiyyətinin sədri Əvəz Həsənov bildirdi ki, Avropa Birliyi son məhkəmədən humanistlik gözləyirdi. “Son məhkəmə qərarından sonra belə təssürat yarandı ki, Azərbaycan hökuməti onların həbsinin yüngləşdirilməsi istiqamətində heç nə etmək istəmir. AB sonuncu məhkəməyə ümid edirdi və fikirləşirdi ki, bu məhkəmə yumşaldıcı bir qərar qəbul edəcək. Həm də gözlənilirdi ki, Azərbaycan hökuməti bir az humanistlik göstərəcək, Avrupa Birliyinin, Avropa strukturlarının müraciətinə əsasən gənc bloqqerləri azad edəcək. Amma bloqqerlər azadlığa buraxılmadı. Ona görə də hökumət üçün AB-dən belə  sərt bəyanat oldu.”

Bu gün Azərbaycan İnsan Hüquqları Evinin nəzdində “İnsan Hüquqları Kitabxanası”nın açılışı olub. Kitabxanada azərbaycan, rus, ingilis dillərində 3000 adda insan hüquqları, demokratiya, gender bərabərliyi, münaqişələr mövzusuna həsr olunmuş kitablar toplanıb.

İnsan Hüquqları Evinin tərəfdaşı, Humanitar Tədqiqatlar Cəmiyyətinin direktoru Əvəz Həsənov “İnsan Hüquqları Kitabxanası”nın iş planı və malik olduğu kitablar barədə məlumat verib. Onun sözlərinə görə, təşkilatlar və fərdlər kitabxanaya kitablar təqdim edə bilər. “Kitabxana bütün təşkilatlar və insanlar üçün açıqdır. Kitabxana istifadəçilərə İnternetdən istifadə və kitabların surətinin çıxarılması üçün də şərait yaradır”.

Iyulun 7-də Humanitar Tədqiqatlar Cəmiyyəti (Azərbaycan) və Vətəndaş Cəmiyyəti İnstitutunun (Ermənistan) təşkilatçılığı ilə Bakı və Yerevan arasında video konferensiya təşkil olundu. Tədbir hər iki təşkilatın Böyük Britaniya səfirliyinin maliyyə dəstəyi ilə birgə icra etdiyi layihə çərçivəsində baş tutmuşdur.

Humanitar Tədqiqatlar Cəmiyyətinin direktoru, Şərq Tərəfdaşlığı Proqramı Vətəndaş Cəmiyyəti Forumunun Azərbaycan üzrə koordinatoru Əvəz Həsənov mayın 24-də Avropa Birliyinin Azərbaycan Nümayəndəliyinin Siyasi, İqtisadi və İnformasiya bölməsinin rəhbəri Jerom Pons, Siyasi məsələlər üzrə əməkdaşı Manfredas Limantes ilə görüşmüzdür.

Azad Müəllimlər Birliyi Azərbaycan Respublikası Prezidenti Yanında Qeyri - Hökumət Təşkilatlarına Dövlət Dəstəyi Şurasının maliyyə yardımı ilə 21 may 2010 – cu il tarixdə Bakıda “Dağlıq Qarabağ: reallıqlar, perspektivlər” mövzusunda beynəlxalq konfrans  keçirmişdir. Maarifləndirmə missiyası daşıyan konfransda  Azəpbaycan ziyalıları, elm xadimləri, Millət vəkilləri, QHT rəhbərləri ilə yanaşı Türkiyə,  Ruminiya, Qazaxıstan və Gürcüstandan təhsillə bağlı Qeyri – Hökümət Təşkilatlarının rəhbərləri  iştirak etmişlər.